Шымкентте прокуратура 4 мыңнан астам кәсіпкердің заңды мүдделерін қорғаған

0
1 149

Бизнес өкілдеріне қатысты заңсыз жүргізілген әкімшілік өндіріс прокуратураның араласуымен қысқартылған.


Шымкентте прокуратура 4 мыңнан астам кәсіпкердің заңды мүдделерін қорғаған

Бүгін Шымкент қаласының прокуроры Ғабит Мұқановтың төрағалығымен кәсіпкерлердің құқықтарын қорғау бойынша атқарылған жұмыстар және осы саладағы өзекті мәселелер бойынша арнайы жиын өтті, деп хабарлайды ERNUR.KZ.

Шымкент қаласы прокуратурасының мәліметі бойынша, жыл басынан бері қадағалау актілері бойынша 1740 кәсіпкердің құқықтары қорғалған. Сондай-ақ, 4 мыңнан астам бизнес субъектілерінің заңды мүддерлерін қорғау қамтамасыз етілген. Бизнес өкілдеріне қатысты заңсыз жүргізілген әкімшілік өндіріс прокуратураның араласуымен қысқартылған. Сондай-ақ, кәсіпкерлердің құқықтарын қорғау жөнінде мобильді топ құрылып, тұрақты жұмыс атқаруда.
Айта кетейік, жиынға Шымкент қаласы әкімінің орынбасары Айбек Сәттібаев, «Атамекен» кәсіпкерлер палатасының өкілдері, құқық қорғау органдары мен мүдделі басқармалардың басшылары және қала кәсіпкерлері қатысты.