ҰЛТТЫҚ ЖОБА: Шымкентте 300-ден аса жаңа жұмыс орны ашылды

0
458

Бұл туралы Шымкент қаласы әкімінің баспасөз қызметі​ мәлімдеді.


ҰЛТТЫҚ ЖОБА: Шымкентте 300-ден аса жаңа жұмыс орны ашылды

Бүгін Шымкент қаласы әкімінің аппараттық мәжілісінде бірқатар маңызды мәселелер қаралды, деп хабарлайды ERNUR.KZ.

Бұл туралы Шымкент қаласы әкімінің баспасөз қызметі мәлімдеді.

Атап айтатын болсақ, «Кәсіпкерлікті дамыту жөніндегі ұлттық жоба» аясында гранттардың, шағын несиелердің тиімділігін арттыруда атқарылып жатқан жұмыстар мен Наурыз мерекесіне дайындық жайы талқыланды.

Мәжілісте Кәсіпкерлік және индустриалды-инновациялық даму басқармасының басшысы Б.Азимбердиев пен Жұмыспен қамту және әлеуметтік қорғау басқармасының басшысы Ж. Утебаева гранттар мен шағын несиелердің тиімділігін бақылау нәтижелерін баяндады. 2019-2023 жылдар аралығында «Кәсіпкерлікті дамыту жөніндегі ұлттық жоба» шеңберінде 227 инновациялық жобаға 5 миллион теңгеге дейін қайтарымсыз негізде грант берілген. Нәтижесінде қалада 341 жаңа жұмыс орны ашылды. Биылғы жылға 273 адамға 1,4 миллиард теңге бөлініп отыр.
Жиын барысында Мәдениет, тілдерді дамыту және архивтер басқармасының басшысы Б. Орынтаев қала аумағында Наурыз мерекесін тойлау жоспарымен бөлісті. Іс шаралар 1-23 наурыз аралығында 15 негізгі локацияда өтеді. 1 наурыз «Алғыс айту» күні шарасымен басталып, әдет-ғұрып, кәделерді насихаттайтын «Жоралғы күнімен» қорытындыланады.
Қала әкімі сала басшыларына кәсіпкерлікті дамыту бағытындағы шаралардың тиімділігін қадағалауда сонымен қатар Наурыз мерекесін халықтық мерекеге айналдыруда бірқатар тапсырма берді.