"Ұлы Жібек жолы" турнирінің бүгінгі екінші күні - 25 наурызда шаршы алаңға Қазақстан атынан үш боксшы шығатыны хабарланған.
Сурет: Қазақстан бокс федерациясы
Әзірбайжан астанасы Бакуде бокстан "Ұлы жібек жолы" халықаралық бәсекесі өз жалғастығын табуда. 25 наурызда шаршы алаңға Қазақстан атынан шығуы тиіс үш боксшының бірі бағын сынап, айқын басымдықпен жеңіске жетті.
Қазақстан бокс федерациясы баспасөз қызметінің хабарлауынша, 60 келі салмақ дәрежесіндегі Талғат Сырымбетов Бакудегі бәсекені тамаша бастады.
"Талғат спорттық тұрғыда шаршы алаңда қу боксшы. Кейде ринг ортасын қарсыласына әдейі беріп қойып, өзі оны айналшықтап жүріп ұруға тырысады. Венгриялық Марк Адольф Балоқпен кездескен ол қарсыласын еш қиындықсыз жеңді, тіпті, қарсыласын үшінші раундта нокдаунға жіберді. Осылайша жерлесіміз жартылай финалға жолдама алды", делінген хабарламада.
Айта кетсек, "Ұлы Жібек жолы" турнирінің бүгінгі екінші күні - 25 наурызда шаршы алаңға Қазақстан атынан үш боксшы шығатыны хабарланған. Ал кеше екі отандасымыз жеңіске жеткен болатын.
![](/assets/thumbnails/70/70e867ff619e63707a229be691a7b0d9.jpg ""Екеуміз де тастандымыз" - алматылық ару мұңын шақты")
![](/assets/thumbnails/9b/9b5b97165f02686ee976d7c0cdeaedd4.jpg ""Ата-анам достарымен "құда боламыз" деп келіскен, ал қазір зардабын мен тартып жүрмін"")
