Мессидің қай клубқа ауысатыны белгілі болды

"Алтын доптың" алты дүркін иегері аргентиналық шабуылшы Лионель Месси мансабын Францияның ПСЖ футбол клубында жалғастырады. ПСЖ клубының иесі және Катар әмірінің інісі Халифа бен Хамад Аль-Тани аргентиналық шабуылшы Лионель Мессимен келіссөздердің аяқталғанын мәлімдеді, деп жазады Vesti.kz.

Әлеуметтік желіде жасаған жариялымында ол футболшының франциялық "Пари Сен-Жермен" клубының киіміндегі суретін қоса бекіткен екен.

"Келіссөздер ресми түрде аяқталды. Құлақтандыру кейін болады", - деп мәлімдеді Халифа Бен Хамад Аль-Тани.

Шабуылшы Лионель Месси француздың "Пари Сен-Жермен" футбол клубымен келісімшарт бойынша бонустарды ескере отырып, жылына 50 миллион еуро алатыны айтылды, бұл туралы журналист Николо Скира Twitter-дегі парақшасында жазды.