Оқиға 24 мамырда "Жетіген" тойханасында болған.
ERNUR.KZ. Жетісайда карантин кезінде құқық қорғау органдарының қызметкерлері мейрамханада кеш ұйымдастырды, деп жазады Tengrinews.kz.
Мерекеде түсірілген видео WhatsApp арқылы тараған. Кадрларда әйелдер мен ерлер бір дастарханға жиналған, үстелде тамақ пен алкогольге ұқсас бөтелкелер бар.
Желі қолданушылары видеодан құқық қорғау органдарының, соның ішінде Шымкент полиция департаментінің қызметкерлерін танымағанда, видео жай топта қалар ма еді?
Түркістан облысының полициясы карантин ережесін бұзғандарды анықтады, олар 24 мамырда "Жетіген" тойханасында болған екен.
"Жетісай ауданының ЖПҚ қызметкерлері ҚР Әкімшілік кодексінің 425-бабы бойынша материалдар жинап, шешім қабылдау және жауапқа тарту үшін ауданның санитар дәрігеріне тапсырды", - деп хабарлады Түркістан облысы полиция департаментінің баспасөз қызметі.
Карантин уақытында кешке қатысқан адамдардың бірі Шымкент аудандық басқармасының Кәмелетке толмағандар істері жөніндегі инспекция бөлімін басқаратыны белгілі болды. Алайда, қызметкерге қандай жаза тағайындалғаны әзірге хабарланбады.
