2017 жылдың қорытындысы бойынша Өзбекстанмен сыртқы тауар айналымы 16,8 пайызға артып, 622,6 млн. АҚШ долларын құрапты. Ал импорт 369,88 млн. АҚШ долларын құраған.
Шымқалада «Оңтүстік Қазақстан-Өзбекстан» тоқыма өнеркәсібі өнімдерінің көрмесі болды. Көрмеге тоқыма, киім, теріден жасалған өнімдер, фармацевтика, жиһаз, сувенирлер, спорт тауарлары мен ойыншықтар өндіретін оңтүстікқазақстандық және өзбекстандық 60-қа жуық кәсіпорындар қатысты. Екі күнге созылатын шараның ашылу салтанатында облыс әкімі Ж.Қ. Түймебаев арнайы сөз сөйледі.
-Бүгінгі іс-шара ОҚО мен Өзбекстан арасындағы бауырластық пен ынтымақтастықты орнатуға бағытталған тағы бір қадам екендігі даусыз. Мұнымен қатар экономикалық қарым-қатынастың да артып отырғанын баршамыз көріп отырмыз. Өткен жылдың қорытындысы бойынша өзбек ағайындармен сыртқы сауда айналымының көлемі 2,0 млрд. АҚШ долларына жетті. Оның 30 пайызы ОҚО-на тиесілі – деді облыс әкімі.
Осы күндер ішінде Өзбекстанның Қазақстандағы күндері аясында жоспарланған іс-шара шеңберінде кәсіпкерлердің, инвесторлардың қатысуымен «Аймақтық ынтымақтастық пен интеграция – өткізу нарығын кеңейту арқылы екі елдің кәсіпкерлерінің бәсекеге қабілеттілігін арттыру» атты ғылыми-тәжірибелік дөңгелек үстел ұйымдастырылады.
2017 жылдың қорытындысы бойынша Өзбекстанмен сыртқы тауар айналымы 16,8 пайызға артып, 622,6 млн. АҚШ долларын құрапты. Ал импорт 369,88 млн. АҚШ долларын құраған.
Қазіргі кезде ОҚО-да 2 ірі кілем фабрикасы мен дайын өнім шығарудан шикізат көзі -мақтадан матаға дейін жабық циклін жүзеге асыратын «Азала текстиль» фабрикасы жұмыс істеп жатыр. Сонымен қатар облыста дайын тоқыма бұйымдары ман арнайы киім тігетін және шұлық шығаратын фабрикалар жұмыс істейді.
