ТҮРКІСТАН: Коменданттық уақыт ережесін бұзған 100 адамның ісі сотқа жолданды

Түркістан облысында коменданттық уақытта тұрғылықты мекенжайдан тыс жерде жүрген 100 азамат анықталды, деп хабарлайды ERNUR.KZ.

Түркістан облысында коменданттық уақыт кезінде, яғни түнгі сағат 23:00 мен таңғы сағат 07:00 арасында мемлекеттiк орган белгiлеген режимдi бұзып, тұрғылықты мекенжайдан тыс жерде жүрген 100 азамат анықталды. Аталған жайттарға байланысты полиция қызметкерлері ҚР ӘҚБтК-нің 476-бабы «Төтенше жағдай режимін бұзу» бойынша әкімшілік хаттама толтырған.

Сонымен қатар, тәртіп сақшылары аталған жайттарға байланысты іс құжаттарды жинақтап, заңды шешім қабылдау мақсатында сотқа жолданған.