Түркістан облысында жаңадан 2 мектеп бой көтереді

Биыл Түлкібас ауданында екі жаңа мектеп салынады, - деп хабарлайды ERNUR.KZ.

2021 жылы Түркістан облысы Түлкібас ауданына қарасты Тұрар Рысқұлов ауылында екі жаңа мектеп бой көтереді. Түлкібас ауданының орталығында салынатан білім ұясы 300 орынға лайықталған. Сонымен қатар, Машат ауылдық округіне қарасты Еңбекші ауылынан 150 орындық жаңа мектептің құрылысы бастау алады деп жоспарланып отыр.

Білім саласындағы бұл мектептегі орын жетіспеушілік мәселелері жергілікті тұрғындар тарапынан көп жылдан бері көтеріліп келген екен. Оңтайлы шешімі табылған білім саласындағы ауданның тың жаңалығы облыс әкімінің қолдауымен іске асып отыр. Қазіргі таңда мектептердің орналасу аумағы белгіленген.

Аудан оралығындағы мектеп құрылысы - Түлкібас агробизнес және саяхат колледжінің маңындағы ардагерлер аллеясының орнында, ал Еңбекші ауылындағы оқу ордасы - Тұрсынбеков мектебінің жанынан бой көтермек. Бүгінгі таңда қос жобаға облыстық бюджеттен бастапқы қаржысы бөлінген. Алдағы уақытта аталған жұмыстар нәтижесінде мектеп оқушылары мен тұрғындардың мәселесі шешілмек.