Түркістанда триатлоннан Қазақстан кубогы өтті

Кентауда Қазақстан Республикасы Қарулы Күштерінің 30 жылдығына арналған сайыс басталды, деп хабарлайды ERNUR.KZ.

Түркістанда триатлон спортынан Қазақстан Республикасының ашық кубогы өтті. Екі күнге созылған спорттық жарыс Түркістан облысы әкімдігінің қолдауымен және Қазақстан Триатлон федерациясының ұйымдастыруымен іске асырылды.

Триатлон – бұл үш циклдық спорт түрінен, яғни, жүзу, велоспорт және жүгіруден тұратын қиын спорт түрі. Жарысқа қатысушылар сайысты Президент саябағындағы жасанды көлде жүзуден бастап, Б.Саттарханов даңғылымен велосипедпен жүріп өтті. Ары қарай «Olympic Center» спорт кешеніне дейін жеткен велошабандоздар одан кейін жүгіруден жарысты. Атап өтейік, триатлонның спринт түрінде 750 метрге жүзу, 20 шақырымға веложарыс және 5 шақырымға жүгіру нормасын орындауы керек.

Спортшылар төзімділігі шыңдалатын жарыста ұлдар арасында бірінші орынды Алматы қаласынан Ануар Турубаев иеленсе, 2-орын Егор Крупияков (Алматы қаласы), 3-орын Александр Тенге (Алматы қаласынан) бұйырды. Ал, қыздар арасында 1-орынға Екатерина Шабалина шықса, (Нұр-Сұлтан қаласы), 2-орынды Юлия Озерова (Алматы қаласы), 3-орынды Дарья Быгкова (Қостанай) еншіледі.

Жеңімпаздарды облыс әкімінің орынбасары Сәкен Қалқаманов марапаттады.