Түркістанда жеке және заңды тұлғалармен жүргізілетін жұмыс бойынша облысаралық семинар өтті

Түркістанда жеке және заңды тұлғалармен жүргізілетін жұмыс бойынша облысаралық семинар өтті, деп хабарлайды ERNUR.KZ.

Елімізде ҚР Жасанды интеллект және цифрлық даму министрлігінің бастамасымен «Таным» корпоративтік оқу орталығы базасында жоспарлы көшпелі оқыту семинарлары ұйымдастырылып келеді.

Аталған оқытудың мақсаты – жеке және заңды тұлғалар тарапынан наразы топтар мен аса назарды талап ететін азаматтардың көтеретін мәселелеріне назар аударып, жергілікті деңгейде шешу мен алдын алу шараларын қабылдау.

Сонымен қатар Әкімшілік рәсімдік-процестік кодексінің талаптарын сақтау, «Е-Өтініш» ақпараттық жүйесінің функцияларымен жұмыс істеу,азаматтарды жеке қабылдауды ұйымдастыру және тағы басқа қажетті маңызды мағлұматтарды меңгеру көзделген.

Осыған дейін оқыту Атырау, Семей, Алматы қалаларында өткізіліп, 22-23 қазан күндері Түркістан қаласында ұйымдастырылды.

Семинарға жалпы 200-ге жуық мемлекеттік қызметкер, оның ішінде Шымкент қаласымен Жамбыл, Қызылорда,Түркістан облыстарының өтініштермен жұмыс істейтін мемлекеттік қызметкерлері қатысты.

Аталған оқытуда спикерлер ретінде ҚР Мәдениет және ақпарат министрлігінің, «Азаматтарға арналған үкімет» мемлекеттік корпорациясы» мен корпорация жанындағы «Таным» корпоративтік оқу орталығының, жергілікті Құқықтық статистика және арнайы есепке алу жөніндегі комитетінің Түркістан облысы бойынша департаментінің, Әділет департаментінің өкілдері дәріс өткізді.

Мемлекеттік қызметшілер сұрақтарын қойып, тиісті кеңес алды. Семинар соңында қатысушыларға сертификаттар табысталды.