Түркістандық ескекшілер 34 медаль жеңіп алды

0
997

Токиода өтетін лицензиялық турнирге қатысады.


Түркістандық ескекшілер 34 медаль жеңіп алды

Байдарка мен каноэде есуден Қазақстан Республикасының чемпионаты өтті, деп хабарлайды ERNUR.KZ.


Өзбекстанның Ташмор қаласында байдарка мен каноэде есуден Қазақстан Республикасының чемпионаты өтті. Айтулы сында Түркістан облысының ескекшілері 34 медаль жеңіп алды. Нақтырақ айтсақ, 8 алтын, 8 күміс және 18 қола медаль еншіледі.


Жеңімпаздар мен жүлдегерлерді Түркістан облысының су спорты түрлері мектебінің директоры Денис Жәрменов арнайы қабылдап, құрмет көрсетті. Спортшылардың жетістігін жоғары бағалаған ол Париж Олимпиадасының жолдамаларын көбірек алу және жүлдеге қол жеткізу маңызды екенін жеткізді.Қазақстан чемпионатының жеңімпаздары 18-21 сәуір аралығында Токиода өтетін лицензиялық турнирге қатысады.


Атап айтсақ, байдаркашылар – Раматулла Бекарыс, Шмелева Ольга және каноэде есуден Туребеков Полат Азияның лицензиялық чемпионатына іріктеуден өтті. Оларға қаржылай сыйақы тапсырылды.