Түркістандық спортшы «Ұлы жібек жолы» туринирінің чемпионы атанды

Түркістандық Сағындық Тоғамбай – "Ұлы жібек жолы" туринирінің чемпионы атанды, деп хабарлайды ERNUR.KZ.

Әзербайжан астанасы Бакуде "Ұлы Жібек жолы" халықаралық турнирінде Қазақстан құрамасының боксшылары үш алтын, екі күміс, бір қола медаль еншілеп, жалпыкомандалық есепте үшінгі орынға ие болды. Алтын жүлденің бірін ұлттық құрама мүшесі, Түркістан өңірінің өрені Сағындық Тоғамбай жеңіп алды.

92 келіде сынға түскен Сағындық Тоғамбай финалда Олимпиада ойындарының жүлдегері, әлем чемпионы Лорен Альфонсо Домингесті жеңіп, сенсация жасады. Қарсыласына еш мүмкіндік бермеген жерлесіміз үш раундта да жасындай жарқылдады.

Баку төріндегі додада Сағындықпен бірге Талғат Сырымбетов пен Дархан Дүйсебай да алтын медаль еншілесе, Теміртас Жүсіпов пен Тимур Қабдеш күміс жүлдегер атанды. Ал Бекзат Таңатар қола жүлдені еншіледі.