​Адамдар тамақтанып отырған жерге асау жылқы кіріп қиратып кетті (видео)

иллюстрациялық фото

ERNUR.KZ. Ипподромға жақын орналасқан жердегі адамдар жайбарақат тамақтанып отырған барға асау жылқы кіріп кетіп, үстелдер мен ыдыстарды қиратып кетті, - деп жазады life.ru.

Оқиға Францияның Шантий қаласында орын алған. Барға кірген жылқы артқы қос аяғымен тебініп, жолында кездескеннің бәріне қирата жөнелгенде тамақтанып отырған адамдар қайда қашарын білмей сасқалақтап қалды. Бұл оқиға бардың ішіндегі бейнекамераға түсіп қалған.

A horse escaped from her stable and galloped into a bar while patrons sat inside, causing them to run to safety as the animal kicked tables and chairs before leaving the site. No one was hurt in the incident. https://t.co/KktND8IlHP pic.twitter.com/rW32qXPhR1
— ABC News (@ABC) 2 октября 2018 г.

Асау жылқының қайдан және қалай келгені кейіннен белгілі болды. Ол ипподромда өткен кезекті бәйгеге қатыспай қалған сәйгүлік болып шықты. Иесін белгісіз себеппен құлатып кетіп, шаба жөнелген көрінеді.

Оқиға барысында жапа шеккен ешкім болмаған.