Апат жергілікті уақыт бойынша сағат 18:30 шамасында Roosevelt Mall маңында болған.
ERNUR.KZ. Бортында алты адамы бар медициналық эвакуациялық ұшақ Филадельфияның солтүстік-шығысында көкке көтерілгеннен кейін көп ұзамай апатқа ұшырады, деп жазады Zakon.kz.
BBC мәліметінше, апатқа ұшыраған Learjet 55 тиесілі әуе жедел жәрдем компаниясы бортта төрт экипаж мүшесі, бір науқастың және онымен бірге еріп шыққан жолаушы болғанын нақтылаған.
"Қазіргі уақытта біз қандай да бір мәліметтерді, соның ішінде қаза болуға қатыстыны растай алмаймыз", — делінген Jet Rescue Air Ambulance мәлімдемесінде.
Жергілікті БАҚ-тың хабарлауынша, ұшақ құлаған жерде көптеген зардап шегуші бар. Апат жергілікті уақыт бойынша сағат 18:30 шамасында Roosevelt Mall маңында болған.
"Филадельфия мэрі Шерелл Паркер оқиға орнынан өткізілген баспасөз мәслихатында жерде бірнеше үй мен көліктер отқа оранғанын айтты. Зардап шеккендер бар. Жедел жәрдем ұшағы Солтүстік-Шығыс Филадельфия әуежайынан ұшып, Миссуридегі Спрингфилд-Брэнсонға бет алған. Апатқа не түрткі болғаны әлі белгісіз", - дейді басылым.
