Әлемде COVID-19 жұқтыру 2 аптада 30 пайызға өсті - ДДСҰ

0
483

Кейінгі күндері Қазақстанда да коронавирус жұқтырғандар саны күрт артып, тәулігіне 330-ға дейін өскен.


Әлемде COVID-19 жұқтыру 2 аптада 30 пайызға өсті - ДДСҰ

ERNUR.KZ. Дүниежүзілік денсаулық сақтау ұйымының (ДДСҰ) бас директоры Тедрос Аданом Гебрейесус әлемде коронавирус инфекциясының өршуі байқалып жатқанын айтты, деп жазады Tengrinews.kz.

YouTube-тағы брифингте Гебрейесус соңғы екі аптада вирус жұқтырғандар саны 30 пайызға өскенін айтты.

"Еуропа мен Америкада аурудың басым бөлігі BA.4 және BA.5 штамдарынан. Сонымен қатар, Үндістанда жаңа штамм анықталды, оған бақылау жүргізіліп жатыр", - деді ДДСҰ басшысы.
Гебрейесус елдерді екпе науқанын, соның ішінде күшейткіш дозаны, қарт, созылмалы аурулары бар және иммундық жүйесі әлсіреген, сондай-ақ денсаулық сақтау қызметкерлері сияқты тәуекел тобына кіретін адамдар үшін тоқтатпауға шақырды.

Айта кетсек, кейінгі күндері Қазақстанда коронавирус жұқтырғандар саны күрт артып, тәулігіне 330-ға дейін өскен. 6 шілдеде Алматы эпидемиологиялық жағдай бойынша "сары" аймаққа көшті. Нұр-Сұлтан "жасыл" аймақтың шегінде орналасқан.

Қазір Қазақстанда "омикрон 2-штамм", "стелс-омикрон", "дельта" - штаммның аз пайызы айналымда. Жақында жүргізілген зерттеу республика бойынша тексерілгендердің 78 пайызы "стелс-омикрон" штамын жұқтырғанын көрсетті.