Британиялық экипаж артық салмақ үшін жолаушыларды ұшақтан түсірді

08.07.2023 10:29

1 243

Әуе кемесі Испанияның Ланзароте аралынан Ливерпульге ұшуы керек еді.

Экипаж ұшу үшін тым ауыр болғандықтан easyJet авиакомпаниясының ұшағынан 19 жолаушы түсірілді, деп жазады inbusiness.kz.

Испанияның Ланзароте аралынан Ливерпульге ұшатын әуе кемесі бірнеше сағатқа кешіктірілгені анықталды. Саяхатшылардың бірі жазған және The ECHO веб-сайтында жарияланған видеода ұшқыш рейстің барлық жолаушыларына авиакомпанияны таңдағаны үшін алғыс білдіріп, олар көп болғандықтан, ұшақ тым ауыр болғанын айтады. Ол сондай-ақ ауа-райының құбылмалылығына байланысты әуе кемесінің артық салмағына байланысты ұшу қиынға соғатынын айтқан.

"Жолаушылар қауіпсіздігі біздің басымдығымыз болғандықтан, қазіргі жел күшімен біз бұл ұшақты ауаға көтере алмаймыз. Мен біздің жұмыс тобымызбен сөйлестім және мәселені шешудің жалғыз жолы – ұшақты сәл жеңілдету", — деп түсіндірді ұшқыш.

EasyJet өкілі журналистермен сұхбатында 19 жолаушы рейстен өз еркімен кеткенін растады.

"Бұл - осындай жағдайлардағы әдеттегі жедел шешім. Қауіпсіздік мақсатында барлық авиакомпаниялар үшін салмақ шектеулері қолданылады. Бұл жағдайда борттан шыққан еріктілер авиакомпания ережелеріне сәйкес өтемақы алады", - деп түсіндірді easyJet өкілі.