Ер адам медбикені аурухананың дәлізімен шашынан сүйреген

ERNUR.KZ. Өзбек әлеуметтік желілерінде Ферғана облысындағы перзентханалардың біріне келіп, медбикені шашынан ұстап, оны медициналық мекеменің дәлізі арқылы сүйреген орта жастағы ер адамның видеосы желіде таралды, деп жазады Stan.kz.

Видеода аурухана қызметкерлері әріптесіне көмектесуге тырыспақ болғаны көрінеді, алайда ер адам әйелді шашынан сүйреуін тоқтатпайды.

Өзбекстанның Денсаулық сақтау министрлігінің баспасөз қызметі кейінірек оқиғаның мән-жайын айтып берді.

Белгілі болғандай, 25 тамызда 1998 жылғы қыз ауруханаға түскен. Келесі күні ол салмағы 3200 грамм сәбиді дүниеге әкелді, бірақ баланың жағдайы ауыр болған.

Алдын ала медициналық тексеру эмбрионның толыққанды дамымағанын анықтаған, сондай-ақ құрсақтағы нәрестеде бірқатар басқа олқылықтарды анықтады. Нәтижесінде бала дамымаған ішкі органдармен дүниеге келді. Оның туа біткен ақаулары және 70 пайызға өкпесі дамымаған болып шықты.

Бала туғаннан кейін реанимацияға ауыстырылып, қажетті медициналық процедуралар жүргізілді. Алайда нәресте өкпе жеткіліксіздігіне байланысты ауыр асфиксияға шалдықты. Дәрігерлердің тырысуына қарамастан, ол 27 тамызда "жедел тыныс алу және жүрек жеткіліксіздігі"диагнозынан көз жұмды.

Дәрігер баланың атасына қоңырау шалып, оның мерт болғаны туралы хабарлады. Осыдан кейін атасы ауруханаға келіп, акушер-гинекологтың кеңсесіне кіріп, шашынан сүйреп, оған дене жарақатын салып, сүйреген.

Денсаулық сақтау министрлігінің мәліметінше, ер адам ішкі істер органдарының бұрынғы қызметкері, қазір зейнеткер. Зардап шеккен әйелге ми шайқалу диагнозы қойылған. Қазіргі уақытта ол емделіп жатыр.