Германияда атыс болып, 8 адам қаза тапты (фото, видео)

ERNUR.KZ. Немістің Ханау қаласында (Франкфурт-на-Майнеден 20 шақырым жерде орналасқан) ер адам 8 адамды өлтіріп, тағы бесеуін ауыр жаралаған, деп жазады Тengrinews.kz.

"Полиция сегіз адам қаза тапқанын растады. Қылмыскерді іздеу қарқынды жүріп жатыр. Әзірге дәлелдер туралы нақты ақпарат жоқ", - делінген Гессен Федералдық жеріндегі ведомствоның сайтында.

Hanauer Anzeiger газетінің ақпараты бойынша, кісі өлтіруші Курт-Шумахер-плац букмекерлік кеңсесіне және қорқор шегетін орынға шабуыл жасаған. "Темекі шегуге арналған залдың ішіне кіру үшін ер адам қоңырау шалған. Темекі шегуге арналған залда ол атыс шығарған", - деп жазады газет.

"Хоймарктағы дүңгіршекте қылмыскер одан кейін тағы үш адамды өлтірді. Қаза болғандар туралы мәлімет әлі белгісіз", - деп жазады басылым.