Күннен ең жоғары классты алау байқалды: Ғалымдар мұның салдары туралы айтты

Фото: Pixabay.com

ERNUR.KZ. Күннен жоғары класты X алауы байқалды, радиацияның ең жоғары шегі Қазақстан уақыты бойынша 00:20-да тіркелді, деп жазады stan.kz.

Алдын ала мәлімет бойынша алау сыйымдылығы Х2,0 болды. Бұл соңғы екі жарым айдағы ең күшті алау, одан күштісі өткен жылдың 8 желтоқсанында болған. Күн белсенділігі тез өсе бастады және бұл процесс әлі де жалғасып жатыр.

Ғалымдар сол күні M-класстағы үш алауды тіркеді, оның ішінде ең күшті деп саналатын M4.9 бар.

Ең соңғы X класты алау Күннің батыс шетінде болды, сондықтан оның Жерге әсері аз болады дейді.

"Геомагниттік болжам “жасыл” деңгейінде, ал ауыр бөлшектердің түсу қаупі төмен деп бағаланады", – деп жазады ғалымдар.

Дегенмен мұндай жоғары белсенділік жаңа жарылыстарды болжайды деп қосты астрономдар.