Бұл шаралар Ресейдің Иркутск қаласында обаға қарсы күрес институты қызметкерінің этиологиясы белгісіз пневмониямен ауырғаны туралы ақпараттан кейін қабылданды.
Фото: Қырғыз Республикасы Денсаулық сақтау министрлігі
ERNUR.KZ. Қырғызстан мемлекеттік шекара бекеттерінде алдын алу шаралары мен санитарлық-карантиндік бақылауды күшейтті, деп жазады inform.kz.
— Санитарлық-карантиндік бекеттер жұқпалы аурулардың, соның ішінде аса қауіпті инфекциялардың елге кіруі мен таралуының алдын алу мақсатында мемлекеттік шекарадан кіріп келе жатқан адамдарды, көлік құралдары мен жүктерді санитарлық-эпидемиологиялық тексерістен өткізіп жатыр, — делінген хабарламада.
Бұған дейін Обаға қарсы күрес институты қызметкері қайтыс болғаннан кейін Роспотребнадзор Иркутск облысындағы және Иркутск және Шелехов қалаларындағы санитарлық-эпидемиологиялық жағдайды тексерген болатын.
