Соңғы тәулікте тағы 554 адамнан коронавирус анықталған.
ERNUR.KZ. Қырғызстанның Коронавирусқа қарсы күрес бойынша республикалық штабтың 18 қазандағы мәліметіне қарағанда, Қырғызстанда бір тәулікте COVID-19 індетінен үш адам қаза болған. Ош, Нарын облыстарында бір-бір адам, тағы бірі Бішкекте, деп жазады centralasian.org.
Соңғы тәулікте тағы 554 адамнан коронавирус анықталған. Науқастардың 227-сі айығып шыққан.
Соңғы күндері елде коронавирус жұқтырғандар саны көбейіп кетті. Өткен дүйсенбіден бері тәулік ішінде COVID-19 жұқтырғандардың көрсеткіші екі есеге өскен – 12 қазанда вирус 298 адамнан анықталған.
Наурыздан бері жалпы індет жұқтырғандардың саны 52 044 адамға жеткен. Олардың 1111-і көз жұмып, 45 736-сы айығып шықты.
Статистика бойынша қазір вирусқа шалдыққан 2 489 науқас стационарда, 2 232 адам үйінде емделіп жатыр.
2019 жылдың желтоқсанында Қытайдың Ухань аймағынан тараған коронавирус 188 мемлекетке жайылды.
