Қырғызстанда мектептер 12 жылдыққа көшеді

ERNUR.KZ. Тиісті қаулыны жергілікті үкімет қабылдады, деп жазады inbusiness.kz.

Жаңа ереже бойынша бастауыш 1-6-сыныптарды, негізгі орта білім 7-9, ал орта білім 10-12-сыныптарды қамтиды. Тағы бір өзгеріс – оқушыларды бағалаудың жаңартылған тәсілі. Білім алушыларға 4-сыныптан бастап қана баға қойылады. Ал 12-сыныпты аяқтағаннан кейін қорытынды тестілеу тапсырады.

Жоғары нәтижеге қол жеткізген түлек бейінді жоғары оқу орнына түсе алады. Бұл бастама аймақта жаңа оқу жоспары мен пәндік стандарттарды әзірлеп қана қоймай, білім беру жүйесін толық реформалауды көздейді.