​Қытай халқы 2024 жылы 1,39 миллионға азайды

Соңғы жылдарда Қытай халқы жаппай ашаршылық болған 1960 жылдардың басынан бері алғаш рет азайып жатыр. 2022 жыл – Қытайдағы халық саны төмендеуінің басы болды.

Өткен жылы туу көрсеткіші 1949 жылы ресми жазбалар басталғаннан бергі ең төменгі деңгейге түскен. 2024 жылы 10,93 миллион адам қайтыс болды, бұл 2023 жылғы 11,1 миллион өлімнен 1,5 пайызға аз.

Халықтың 15,6 пайызы 65 жастан асқандар. Халықтың жас топтары бойынша бөлінуі бойынша «еңбекке жарамды» жас санаты (16 жастан 59 жасқа дейін) 857,98 млн адамды құрайды. Бұл жалпы халықтың 60,9 пайызы, ал 60 жастан асқан халық саны 310,31 млн адам, бұл – 22%.

65 жастан асқандар саны 220,23 миллионға жетіп, жалпы халықтың 15,6 пайызын құрады.

Сарапшылардың пайымдауынша, Қытай ұзақ мерзімді демографиялық өзгерістер кезеңіне енді. Бұл кезеңде халық қартайып, жұмыс күші бірте-бірте азаяды.

Қытайдағы халық санының өсу қарқыны 2016 жылдан бері төмендеп келеді және келешекте халық санының азаюы жылдамырақ болады деген болжам бар.

1980 жылдары енгізілген бір бала саясатынан бас тартқан Қытай үкіметі 2016 жылы бір отбасыға бала санын екіге дейін көбейтуге, 2021 жылы заңды өзгертіп, отбасыларға үш балалы болуға рұқсат берді.

Бала тууды ынталандыру шараларына қарамастан, экономикалық өсу баяулауда, өмір сүру мен балаларды тәрбиелеу құнының өсуін есепке алатын жаңа буын балалы болудан көбіне тартынып қалады.

Халық санының азаюы мен қартаюы болашақта Қытайдың жұмыс күшін қысқартады деп болжанады, бұл ел экономикасына да әсер етеді.

Айта кетейік, Қытай бала тууды қолдау үшін жаңа шаралар қабылдап жатыр.

Сонымен қатар, Тайваньда халық саны 2023 жылы өсу трендін жалғастыра алмай, 2024 жылы қысқарды.