Саломе Зурабишвили 29 желтоқсанда президент қызметінен кетпейтінін мәлімдеген.
ERNUR.KZ. Михаил Кавелашвили ресми түрде Грузия президенті қызметіне кірісті. Ел парламентінің ғимаратында инаугурация рәсімі заң шығарушы органның сайтында тікелей көрсетілді, деп жазады sputnik.kz.
Кавелашвили салтанатты ант сөздерін айтты, одан кейін Грузияның әнұраны шырқалды.
14 желтоқсанда Грузия парламентінде жаңа президент сайлауы өтті. Орталық сайлау комиссиясы 300-ден 224 дауыс жинаған билеуші "Грузин арманы" партиясының кандидаты Михаил Кавелашвилиді сайлағанын хабарлады. Кавелашвилиді депутаттар, үкімет өкілдері, Орталық сайлау комиссиясы, Конституциялық палаталар және Жоғарғы сот басшылары президент етіп сайлады.
Кавелашвилидің инаугурациясынан кейін Саломе Зурабишвилидің президенттік өкілеттігі аяқталды. Ол бұған дейін 29 желтоқсанда мерзімі аяқталғаннан кейін қызметінен кетпейтінін мәлімдеген. Бұған жауап ретінде премьер-министр Ираклий Кобахидзе Зурабишвили резиденциядан шығудан бас тартса, оны күшпен шығарып, қамауға алуға болатынын ескертті.Грузияның Қылмыстық кодексіне сәйкес, егер адам мемлекеттік немесе мемлекеттік мекемелерді заңсыз иеленсе, ол бас бостандығынан айырылуы мүмкін. Кобахидзе президент Саломе Зурабишвилиді президент резиденциясынан күштеп қуудың қажеті жоқ және ол ғимараттан өз еркімен кетеді деп үміттенеді.
![](/assets/thumbnails/e7/e7cc7f8402add0f35415f0ec1eb4864b.jpg ""2025 жылы бүкіл адамзат әлдене үшін күреседі": Қазақстандық нумеролог келер жылға болжам жасады")
