Полиция апаттың нақты неден болғанын анықтап жатыр.
Фото: GYEONGGI FIRE SERVICES
ERNUR.KZ. Оңтүстік Кореяның Сохэан автомагистралінде Қазақстанның 4 азаматы мінген көлік жардан құлап, салонда болған барлығы мерт болды, деп жазады kaz.inform.kz.
Оңтүстіккорейлік басылымның жазуынша, 4 адам отырған Mercedes-Benz көлігі жергілікті уақыт бойынша шамамен 00:30-да Кенгидо өлкесінің Хвасон қаласында жолдың оң жақ бетіндегі қоршауға созылған. Содан кейін көлік бірнеше метр төмен құлап, өртенген.
Жол-көлік оқиғасы туралы хабар алысымен өрт сөндірушілер сол жерге шұғыл аттанған. Олар апаттан кейінгі 30 минуттың ішінде өртті сөндірген. Қираған көліктен 4 адамның мәйіті табылған.
Жергілікті уақыт бойынша сағат 13:00-де мерт болғандардың аты-жөні анықталмаған. Полиция апаттың нақты неден болғанын анықтап жатыр.
Kazinform реакциясы еліміздің Сыртқы істер министрлігінен осы жайтқа байланысты мәлімет сұратты. Ведомствоның жауабы күтілуде.
![](/assets/thumbnails/96/96b2c9126416d9958904712a35ba6d2f.jpg ""Анам күнде кешірім сұрайды": қайтыс боп кеткен атасын кешіре алмаған қыз оның қатыгездігін айтып берді")
![](/assets/thumbnails/9d/9de21c765ddd3bac6caa131b8f65f060.jpg ""Өте көп қарғыс алған адаммын... Сол қарғыс бала-шағама тиді"")
