Президенттің тікұшағы апаттық жағдайда қонуға мәжбүр болды

ERNUR.KZ. Гондурас президенті Сиомара Кастро мінген тікұшақ елдің орталығындағы джунглиге шұғыл қонды, деп жазады inbusiness.kz.

Бұл туралы ел үкіметі мәлімдеген. Тікұшақ сейсенбі күні Кортес департаментіндегі Санта-Крус-де-Йохоа таулы аймағында күн райының тосын жағдайына байланысты осындай шешім қабылдаған.

Әзірге зардап шеккендер туралы мәлімет жоқ.

El Heraldo-ның жазуынша, Сиомара Кастро мінген тікұшақ қалың тұманға байланысты Сан-Педро-Сулаға қайтуды жоспарлаған. Десе де, кейіннен ұшақты джунглиге қондыру туралы шешім қабылдаған. Мұны ел президентінің өзі баяндап берген.