Солтүстік Корея Жапония теңізіне тағы да зымыран ұшырды

ERNUR.KZ. Солтүстік Корея Жапония теңізіне қарай қысқа қашықтықтағы екі баллистикалық зымыранын ұшырды, деп жазады azattyq-ruhy.kz.

Оңтүстік Корея әскерилері жергілікті уақыт бойынша түске таман КХДР-дың шығыс жағалауынан ұшуларды тіркеді. Қыркүйектің соңынан бері Пхеньян он шақты баллистикалық зымыран ұшырған.

Солтүстік Кореяның алғашқы сынағы 14 қазанда күні Оңтүстік Корея мен АҚШ-тың бірлескен «Хогук» әскери жаттығуының соңғы күні өтті. Екі елдің әуе күштері де келесі аптада ауқымды маневрлер өткізуді жоспарлап отыр.

Солтүстік Корея бұл тұрақты Сеул-Вашингтон жаттығуларын Солтүстік Кореяға шабуыл жасау жаттығуы ретінде қарастырады, дегенмен одақтастар олардың қорғаныс сипатында екенін айтады.