​Стамбұлда оқушы мектеп директорына оқ атты

0
237

17 жастағы оқушы Түркияда оқитын Ирак азаматы екен.


​Стамбұлда оқушы мектеп директорына оқ атты

ERNUR.KZ. Стамбұл қаласындағы жекеменшік мектептердің бірінде 11-сынып оқушысы мектеп директорын атып өлтірді, деп жазады zakon.kz.

Тәртібінің нашарлығына байланысты мектептен шығарылған жоғары сынып оқушысы арада бірнеше ай өткен соң өзі оқыған білім мекемесіне барып директорды кабинетінде отырған жерінен бес рет атқан.
Оқиға орнында ауыр жараланған 74 жастағы директор ауруханаға жеткізілгенімен көп ұзамай қайтыс болды. Бірнеше сағаттан кейін ұсталған 17 жастағы оқушы Түркияда оқитын Ирак азаматы екен. Ауыр қылмыс жасаған жасөспірім қамауға алынды.

Тергеу кезінде ол өзін мектептен қуған директорды аяғынан жаралап қорқытпақ болғанын айтқан.

"Директормен көрші кабинеттерде отырамыз. Мылтық дауысын естіп сыныптан жүгіріп шыққанда директорымыз да коридорға шықты. Үсті-басы қан, маған қарай жүрді де құлады. Не болғанын түсінбей директорымызды ұстамақ болдым, алайда әлім жетпей ол кісі құлап түсті. Қылмыс жасаған оқушы қашып үлгерген екен, оны көрмедім", - дейді мұғалім Кадрие Девежи.