Түркияны қар басып қалды

0
117

Қыс маусымы басталғалы бұл аймақтарда қалың қар жауып, жергілікті тұрғындардың қозғалысы мен қалыпты өмірін айтарлықтай қиындатты.


Түркияны қар басып қалды

Фото: Anadolu ajansı

ERNUR.KZ. Түркияның Ризе, Артвин, Гиресун, Орду және Трабзон провинцияларының Қара теңіздегі таулы аймақтарында қалың қар жауған. Қарды тазалау жұмыстары тәулік бойы жалғасып жатыр, деп жазады inform.kz.

Қыс маусымы басталғалы бұл аймақтарда қалың қар жауып, жергілікті тұрғындардың қозғалысы мен қалыпты өмірін айтарлықтай қиындатты.

Жолдарды тазалау және көлік қатынасын қалпына келтіру үшін мамандандырылған машиналар мен жабдықтар белсенді пайдаланылып жатыр. Жол қызметі бригадалары елді мекендерді байланыстыратын негізгі магистральдарда жүруді қамтамасыз ету үшін тәулік бойы жұмыс істеп жатыр. Бірінші кезекте ауруханалар, мектептер мен инфрақұрылымның маңызды нысандарына апаратын жолдар тазаланып жатыр.

Жергілікті билік күн райының қолайсыздығына қарамастан жағдай бақылауда екенін сендіріп отыр. Олай болғанымен, қалың қар әлі де жаууы мүмкін болғандықтан тұрғындарға аса үлкен қажеттілік болмаса таулы аймақтарға бармауға кеңес етілді.

Қар басу салдарымен күрес шаралары аясында құзырлы органдар болуы мүмкін апаттардың алдын алу және жолдардағы қауіпсіздікті қамтамасыз ету мақсатында профилактикалық жұмыстар жүргізіліп жатыр.