Жапониядағы Фукусима атом станциясында апат болды

0
259

Кейбір мәліметтер бойынша жабық тұруы тиіс 16 шұраның 10-ы ашық қалған.


Жапониядағы Фукусима атом станциясында апат болды

ERNUR.KZ. Жапониядағы Фукусима атом электр станциясында апат орын алды. Онда радиоактивті су ағып кеткен, деп жазады stan.kz.

Төтенше жағдай бойынша тексеріс басталды. Кейбір мәліметтер бойынша жабық тұруы тиіс 16 шұраның 10-ы ашық қалған.

Радиоактивті судың көлемі – 5,5 тонна, ондағы радиоактивті заттардың мөлшері – 22 млрд беккерель. Бұл судың көп бөлігі топыраққа сіңген тәрізді. Мамандар жағдайды бақылап отыр. Әзірге ешқандай өзгеріс жоқ және мұхитқа радиоактивті су ақпады.

Жапониялықтар бұл жағдайға алаңдаулы, өйткені салдары ауыр болуы мүмкін.

"Радиактивті судыңағуы айналадағы барлық тірі ағзаларға әсер етеді. Фукусима контейнерлерінде сутегінің радиоактивті изотопы – тритий бар. Ал сутегі – биогендік элемент және ол кез келген тірі тіршілік иесінің денесіне енген кезде, ол сутегі атомдарын алмастыра алады. Бұл белок молекуласында немесе ДНҚ молекуласында болуы мүмкін және бұл ең жағымсыз салдарға әкеледі. Салдарынан мутация пайда болуы мүмкін”, – дейді ҚФУ Экология және фармация биохимиялық технологиялар институтының жалпы химия кафедрасының доценті Константин Работягов.