ДӘМДІ МӘЗІР: табада піскен жульен

Қажетті қоспалар:

• 400 гр. саңырауқұлақ
• 1 дана пияз
• 200 гр. қаймақ
• 50 гр. қатты ірімшік
• 1 ас қасық ұн
• 2 ас қасық өсімдік майы
• Аскөк, тұз, бұрыш

Дайындалу тәсілі:

1. Ең алдымен пияздың қабығын аршып, майдалап турайсыз.
2. Саңырауқұлақты жуып, кептіріп алсаңыз болады.
3. Саңырауқұлақтарды төртке бөліп, ірімшікті үккіштен өткізу керек. Ірімшіктің жақсы сортын таңдап алу керек. Сонда тағам да дәмді шығады.
4. Табаға май құйып қыздырып, пиязды салып қуыру керек. Сарғайып қуырылғанша отта ұстап, оған саңырауқұлақты қосыңыз.
5. 5 минуттай саңырауқұлақтарды қуырып, артынан тұз, бұрыш қосыңыз. Тұз қосқан соң саңырауқұлақтың суы шығып, кейіннен қуырыла бастайды.
6. Қуырылып жатқан саңырауқұлаққа ұн қосып, біркелкі араластыру керек. Егер жульен қоюлау болса, су қосып жіберіңіз.
7. Табаға енді үккіштен өткізілген ірімшікті салып, табаның қақпағын жауып, ары қарай пісіріңіз. Ірімшік балқыған кезде тағам да дайын болды деуге болады.

Дайындаған: Қ.Өмірзаққызы,

ERNUR.KZ

ТАҒЫ ДА ОҚЫҢЫЗ:

Көкөністерден дайындалған лазанья