Кекс өте жеңіл әрі дәмді тәттілердің бірі. Дайындалу мәзірі де қиын емес. Керісінше таңғы асқа немесе бестің шайына тез арада пісіріп жіберсеңіз, шаймен ішкенге таптырмайды.
Қажетті қоспалар:
- 2 дана жұмыртқа
- 200 гр. ұн
- 120 гр. қант
- 160 гр. сәбіз
- 110 гр. өсімдік майы
- 70 гр. грек жаңғағы
- 0,5 шай қасық ас содасы
- Даршын дәмдеуіші
Дайындалу тәсілі:
- Ең алдымен жұмыртқа, қант, өсімдік майын блендермен жақсылап араластырып аламыз.
- Сосын осы араласпаға ұн салып, тағы да араластыру керек. Даршын мен сірке суымен араласқан ас содасын қамырға қосып, барлығын араластырамыз.
- Сәбіздің қабығын аршып, тазалап жуып, майда үккіштен өткізіп аламыз. Грек жаңғағын майдалау керек.
- Енді қамырға үккіштен өткізілген сәбіз бен майдаланған грек жаңғағын салып, бір араластырып жіберсек болғаны.
- Қамырды формаға құйып, 180 градусқа қыздырылған пеште 40 минуттай пісіреміз.
- Дайын кексті суытып, кейіннен кесіп жей беруге болады.
ТАҒЫ ДА ОҚЫҢЫЗ:
