​ЖАЗҒЫ ТАҒАМ: кәдіден дайындалған диеталық тіскебасар

Кәді өте пайдалы көкөністердің бірі. Оның құрамында А, С, К дәрумендері мен ағзаға күнделікті қажетті микроэлементтер, антиоксиданттар жеткілікті. Кәді жасұныққа да бай болғандықтан күнеделікті ас мәзірінің құрамында болуы керек. Ендеше осындай пайдалы көкөністен дәмді тағам дайындайық!

Қажетті қоспалар:

• 2 дана кәді
• 1 тіс сарымсақ
• Азырақ ірімшік
• 25 мл кілегей
• 1-2 шым-шым карри дәмдеуіші
• Дәміне қарай тұз, қара бұрыш
• 250 гр. тауық немесе үндік еті

Дайындалу тәсілі:

1. Ең алдымен көкөністерді тазалап жуып аласыз. Содан соң кәдіні 3-5 см қалыңдықта турап шығу керек. Сосын дөңгелектеп туралған кәдінің ортасындағы дәндерін, етті жерлерін алып тастаймыз.
2. Қазанға 1-2 литр су құйып, қайнатыңыз. Тұз салып, қайнап тұрған суға туралған кәділерді саласыз. 10 минуттай қайнатып, кәділерді сүзіп алу керек.
3. Етті сүйегінен ажыратып, блендермен майдалап алыңыз. Осы етке кәдінің ортасынан алынған бөліктерін, тұз, карри, қара бұрыш, кілегей мен сарымсақты салып, араластырасыз. 1 миннута барлығы өте жақсы араласатын болады.
4. Табаға противень қағазын салып, майлайсыз. Енді дөңгелек кәділерді қойып шығыңыз. Оның ортасына фаршты толтыра салыңыз. Сосын 200 градусқа қыздырылған пеште 30 минуттай ұстау керек. Кәділердің пісуіне 2-3 минуттай уақыт қалғанда бетіне үккіштен өткізілген ірімшікті себелеп, қайтадан пешке салып, пісіріп алсаңыз болғаны. Өте дәмді кәді тіскебасарлары дайын! Бұл тағамды арықтағысы келетін қыз-келіншектер түскі немесе кешкі тағам ретінде дайындауына болады.

Дайындаған: Қ.Өмірзаққызы,

ERNUR.KZ

ТАҒЫ ДА ОҚЫҢЫЗ:

СЫМБАТЫҢЫЗДА МІН БОЛМАСЫН ДЕСЕҢІЗ: нансыз тамақ жей алмайтындарға кеңес