Монтаждау жұмыстарын жүргізген үш адамның беті мен қолы күйген.
фото: AP Photo / Luca Bruno
ERNUR.KZ. Ақтөбе облысы Хромтау ауданындағы Дөң тау-кен байыту комбинатының "Болашақ" шахтасында төтенше жағдай болды, деп жазады sputnik.kz.
"Монтаждау жұмыстарын жүргізген үш кезекші электр слесарі зардап шекті. Қызметкерлердің беті мен қолын күйіп қалды", - дейді компаниядағылар.
Зардап шеккендер Хромтау қаласының орталық ауруханасына жеткізілген. Екі жұмысшы жансақтау бөлімінде жатыр, жағдайы ауыр.
"Үш адам түрлі дәрежедегі күйік алып, жедел жәрдем бригадасымен Хромтау аудандық ауруханасына жеткізілді. Екі науқас ауыр жағдайда жансақтау бөлімінде жатыр, үшінші науқас травматология бөліміне жатқызылды. Оның жағдайы орташа ауыр", - дейді денсаулық сақтау басқармасы.
![](/assets/thumbnails/74/74ca0068d93699c7f1fa8012e93a8e7e.png ""Қиналып туған жоқсың деп ұрсып едім" - жас келіннің енесі айтқан сөзіне өкінетінін жеткізді")
