Болат техника Ақтөбедегі коммуналдық автотұраққа қойылған.
ERNUR.KZ. Ақтөбелік полицейлер қалаға қарасты Өрлеу ауылының маңындағы карьердің аумағынан БТР-60-ты тауып алды, деп жазады exk.kz.
"Құқықтық тәртіп" жедел алдын алу іс-шарасы барысында облыстық полиция департаментінің экстремизмге қарсы іс қимыл басқармасының қызметкерлері карьер аумағынан әскери көлікті тапты. БТР-60 техникасының қандай да бір белгілері мен құжаттары жоқ болып шыққан.
Тексере келгенде көліктің карьердің инженеріне тиесілі екені анықталды. Ер адам БТР-ды шамамен 2000 жылдары белгісіз біреуден сатып алған. Кейін қажетсіз болғандықтан сатпақ болған. Бірақ көліктің тек қаңқасы қалыпты.
Материал ҚК 386-бабының 1-бөлігі бойынша сотқа дейінгі тергеудің бірыңғай тізіміне тіркелді. Тергеу жүргізіліп жатыр. Болат техника Ақтөбедегі коммуналдық автотұраққа қойылған.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
