Ақтөбедегі жол апаты: Қаза болған 5 адам — бір отбасының мүшелері

27.08.2024 09:12

317

Самара — Шымкент тасжолындағы апаттан соң Қобда аудандық ауруханасына жеткілген баланы аман алып қалу мүмкін болмады.

ERNUR.KZ. Әлия ауылындағы жол-көлік апатынан соң ауруханаға жеткізілген бала көз жұмды. Жол апаты кезінде бір отбасынан 5 адам мерт болып отыр, деп жазады inform.kz.

— Жедел жәрдем алғашында 3 жасар бала деп шамалап айтты. Түрлі дене жарақатын алған баланы аман алып қалу мүмкін болмады. Дәрігерлер 30 минут бойы жанталасқанымен, 2020 жылы туған бала көз жұмды. Ал ауруханаға түскен жүргізушінің жағдайы бірқалыпқа түсті. Қазір есін біледі, бірақ жағдайы ауыр. Оны санавиациямен Ақтөбе облыстық көпсалалы ауруханаға жеткізу жолы қарастырылып жатыр, — деп хабарлады Ақтөбе облыстық денсаулық сақтау басқармасының баспасөз қызметі.

26 тамыз күні сағат шамамен 18:45-те жол-көлік апаты болды. Онда бірден төрт адам көз жұмды.

Мерт болған екі адам — 12 жастағы қыз және 14 жастағы ұл. Жедел жәрдем 4 жасар бала мен 1996 жылы туған жүргізушіні ауруханаға жеткізген болатын.