Алматы облысында жолда төбелес шығарған жүргізуші ұсталды

0
343

Алматы облысының 36 жастағы тұрғынын анықтап, ұстады.


Алматы облысында жолда төбелес шығарған жүргізуші ұсталды

ERNUR.KZ. Полицейлер Алматы-Бішкек тасжолында төбелес шығарған жүргізушіні ұстады, деп жазады tengrinews.kz.

"Жедел іздестіру іс-шаралары барысында полицейлер Алматы облысының 36 жастағы тұрғынын анықтап, ұстады. Қазіргі уақытта оқиғаның барлық мән-жайын зерттеудің толықтығын, жан-жақтылығын және объективтілігін қамтамасыз ету үшін сараптама тағайындалып, барлық қажетті тергеу әрекеттері жүргізіліп жатыр", - деді облыстық полиция басшысы Бауыржан Әленов.



Қазіргі уақытта ұсталған ер адам кінәсін мойындап, заңда белгіленген шаралар аясында уақытша ұстау изоляторына қамалған. Бұл ретте ұсталған жүргізуші төтенше жағдай туғызып, жол қозғалысына қасақана кедергі келтіргені үшін жауапкершілікке тартылған.

Полиция мәліметінше, аурухана мен құқық қорғау органдарына ешкім хабарласпаған.Еске салайық, бұған дейін видео әлеуметтік желілерде пайда болды. Кадрларда бір жүргізушінің көліктегі екінші жүргізушіні ұрғаны көрінеді. Оқиға жол бойында болған.

Бұл оқиға Қарасай аудандық полициясына бұзақылық дерегі бойынша тіркелген.