Алматыда 88 миллион теңгенің әскери киімі ұрланып, барахолкада сатылған

ERNUR.KZ. Алматыда десанттық бөлім қоймаларынан ірі ұрлық жасаған әскери қызметшілерге қатысты сот үкімі шықты, деп жазады tengrinews.kz.

Алматы гарнизонының әскери соты офицерлер мен сержанттар атағындағы әскери қызметші саналатын 16 сотталушыға, сондай-ақ әскери прокуратураның бір қызметкеріне қатысты істі қарады. Тек осы іс бойынша үкім 200-ге жуық бет, ал істің өзі 70-тен аса том болған. Айыпталушыларға пара берді және алды, тапшылықты анықтамады, алаяқтық, бопсалау және армия қоймаларынан аса ірі көлемде ұрлық жасады деген айыптар тағылған.

Тергеу органдары 5829 әскери мүлікті ұрлауды ұйымдастырды деп айыпталғандарды әшкереледі: жазғы және қысқы камуфляж жиынтықтары, жазғы және қысқы аяқ киімдер, сондай-ақ жұмыс нысанының бес атауының әрқайсынан 1400-ден. Ұрланған киім-кешек пен жарақтардың баланстық құны 88 миллион теңгеден асады. Киім Алматыдағы "Мизам" базарында төмен бағамен 25,4 миллион теңгеге сатылған.

Бұл ретте сот алаяқтық (190-бап), өкілетті немесе лауазымдық өкілетті асыра пайдалану (451-бап), пара беруге итермелеу (367), сондай-ақ аса ірі мөлшерде бөтеннің мүлкін ұрлауды (ҚК-нің 189-бабы 4-бөлігі 2-тармағы) ұйымдастыру бойынша әскери бөлім бастығы полковник А.Б. кінәлі деп таныды. Ол өмір бойына мемлекеттік қызмет атқару құқығынан айырыла отырып, мүлкі тәркіленбей, сегіз жылға бас бостандығынан айырылды.

Тылдағы қамтамасыз ету басқармасының инспекторы, десанттық-шабуылдау әскерлері қолбасшысы Д. И. подполковник пара берушілердің пайдасына жасаған әрекеттері (әрекетсіздігі) үшін үлкен мөлшерде пара алғаны үшін (ҚК-ның 366-бабы 3-бөлігі), сондай-ақ алдын ала сөз байласу бойынша адамдар тобының аса ірі мөлшерде ұрлықты ұйымдастырғаны үшін кінәлі деп танылды. Оған мүлкі тәркіленбей сегіз жылға бас бостандығынан айыру түріндегі жаза тағайындалды, жазасы орташа қауіпсіздік қылмыстық-атқару жүйесінің мекемелерінде өтеледі.

Сондай-ақ, ұрлық пен параны ұйымдастырғаны үшін тылдағы қамтамасыз ету басқармасының аға офицері (инспекторы), десанттық-шабуылдау әскерлерінің қолбасшысы подполковник А.З. айыпталып, оған мүлкін тәркілемей сегіз жылға бас бостандығынан айыру жазасы тағайындалды.

29219 әскери бөлім қоймаларының екі бастығы Н.У. және Д. Б. пара беруге оқталғаны (соңғысы пара бергені үшін) және ұрлауға жәрдемдескені үшін кінәлі деп танылып, жазасын өтеудің барлық мерзіміне жыл сайын 100 сағатқа мәжбүрлі еңбекке тарта отырып, жеті жылға бас бостандығын шектеуге үкім шығарды.

Тағы бір қойма басшысы Т.Т., тек бөтеннің мүлкін жымқырғаны үшін кінәлі деп танылып, жеті жылға бас бостандығынан айыру жазасына жыл сайын 100 сағаттан мәжбүрлі еңбекпен бас бостандығынан айырылды.

Барлық сотталушыдан мемлекетке 88 миллион теңге, әрқайсынан 14 миллион теңге материалдық шығын өндірілуі тиіс.