Алматыдан 122 шақырым қашықтықта жер сілкінді

03.03.2025 12:01

229

Жер сілкінісінің энергетикалық класы – 9,9. Магнитудасы MPV – 4,3.

Скриншот\ Яндекс карта

ERNUR.KZ. Қазақстандық сейсмологтар Алматыдан 122 шақырым қашықтықта жер сілкінісін тіркеді, деп жазады tengrinews.kz.

Жерасты дүмпулері ТЖМ "СБЗҰҒО" ЖШС сейсмикалық станциялар желісі арқылы 3 наурызда Астана уақытымен 11:05-те тіркелген.

"Эпицентр Алматыдан 122 шақырым оңтүстік-батыста, Қырғызстан аумағында орналасқан. Жер сілкінісінің энергетикалық класы – 9,9. Магнитудасы MPV – 4,3", – делінген хабарламада.

ТЖМ Қазақстанда жерасты дүмпулері сезілмегенін мәлімдеді.

Қырғызстан Ұлттық ғылым академиясының Сейсмология институтының мәліметінше, жер сілкінісінің ошағы Қырғызстан аумағында, Ала-Баш ауылынан солтүстік-батысқа қарай 5 шақырым жерде болған.

Қырғызстанның елді мекендерінде жер сілкінісінің қарқындылығы: Ала-Баш және Туура-Суу ауылдарында – 2,5 балл.