Астанада Нұрсұлтан Назарбаевтың тағы бір ескерткіші алынып тасталды

01.02.2024 11:27

1 438

Ұлттық музейден бұрынғы президент Нұрсұлтан Назарбаевқа ескерткіштің алынып тасталғаны туралы ақпарат тараған.

ERNUR.KZ. Нұрсұлтан Назарбаевтың алынып тасталған ескерткіші Қазақстанның Ұлттық музейінде тұрған, деп жазады ulysmedia.kz.

Музей не жауап берді

Ұлттық музей өкілдері ақпаратты растаған.

– Ескерткіш музей қорында тұрақты түрде сақталатын болады. Бұл жұмыстар екі апта бұрын басталды. Демалыс күндері орны ауыстырылды, - деп хабарлады мұражайдың баспасөз қызметі.

Университет алдынан алынып тасталған ескерткіш

Бұған дейін экс-президент Нұрсұлтан Назарбаевтың Астанадағы Ұлттық қорғаныс университетінің алдында тұрған ескерткіші алынып тасталған болатын. Ол ескерткіш 2020 жылы Нұрсұлтан Назарбаевтың 80 жылдығында университет алдына арнайы қойылған еді.