Астанада теміржол өткелінде автобус пен пойыз соқтығысты (видео)

Желіде көшенің қиылысында (Тайбурыл) автобус пен пойыз соқтығысқан видео пайда болды.

"№30 бағыттың жүргізушісі жол қозғалысы ережесін бұзып, тепловозбен соқтығысты. Полиция жүргізушінің үстінен хаттама толтырды", - деп хабарлады CTS.

Кәсіпорын өкілдерінің айтуынша, жүргізуші жолаушылар көлігінде 30 жыл, ал №1 автобус паркінде 10 жылдан бері жұмыс істейді. 31 тамыз күні таңертең стандартты медициналық тексеруден өтіп, сапқа қабылданды. Жүргізуші жұмыстан алынып, біліктілік орталығына қайта даярлауға жіберілді. Жолаушылар зардап шеккен жоқ.