Астанадағы тұрғын үйлердің бірінде екі бала лифт ішінде қалып қойды

ERNUR.KZ. Астанадағы тұрғын үйлердің бірінде екі бала лифт ішінде қалып қойды, деп жазады azattyq-ruhy.kz.

ТЖМ мәліметінше, Астана қаласының Есіл ауданындағы тұрғын үйлердің бірінде 3-4 қабаттардың аралығында лифтіде екі бала қалып қойған.

«Шақыру орнына келген құтқарушылар «Фомка» әмбебап ломның көмегімен лифт есігін ашып, 2014 және 2015 жылы туған балаларды құтқарды», - делінген ТЖМ хабарламасында.

Балалар ата-аналарына табысталды. Оларға медициналық көмек қажет болмады.