Атырау мұнай өңдеу зауытына қатысты тергеу басталды

29.01.2025 11:48

258

Атырау мұнай өңдеу зауытына қатысты монополияға қарсы тергеп-тексеру жүргізіліп жатыр.

ERNUR.KZ. Бәсекелестікті қорғау және дамыту агенттігі "Атырау мұнай өңдеу зауыты" ЖШС-ға қатысты тергеу басталғанын хабарлады, деп жазады sputnik.kz.

Оған мұнай өңдеудің тауар нарығында тауарды өндіру (өткізу) көлемінің және бағасының динамикасына жүргізілген талдау себеп болған.

"Жүргізілген талдау нәтижелері бойынша департамент 2021 жылдан 2023 жылға дейінгі кезеңде орташа бағаны 31%-ға ұлғайта отырып, мұнай өңдеуге монополиялық жоғары бағаларды белгілеуде және қолдауда көрсетілген үстем жағдайды теріс пайдалану белгілерін анықтады", - делінген агенттік хабарламасында.

Айта кетері, монополиялық жоғары бағаны белгілеу фактісі Қазақстанның бәсекелестікті қорғау саласындағы заңнамасын ықтимал бұзушылықтарды тергеп-тексеру процесінде айқындалады.