Өрт көлік жөндеу орталығынан шыққан.
ERNUR.KZ. Атырауда техникалық қызмет станциясында сегіз көлік өртеніп кетті. Облыстық Төтенше жағдайлар департаменті баспасөз қызметінің хабарлауынша, өрт 17 шілдеде сағат 19:21-де шыққан, деп жазады 24.kz.
«Атырау қаласындағы И.Тайманов көшесіндегі «Қазазер» ЖШС-нің көлік жөндеу орталығынан өрт шықты. Өрт салдарынан ғимаратта тұрған сегіз жеңіл автокөлік жанып кетті. Өртті сөндіруге арнаулы қызметтің 15 қызметкері мен 4 техникасы тартылды. Өрт сағат 20:00-де ауыздықталып, 20:41-де толығымен сөндірілді", деп хабарлады баспасөз қызметінен.
