Батыс Қазақстан облысында ер адам бір қолмен амандасқан ауылдасының жақ сүйегін сындырды

0
248

Ол мұны өзіне деген құрметсіздік ретінде қабылдап, ашуға беріліп, бір соққымен ауылдасының жақ сүйегін сындырған.


Батыс Қазақстан облысында ер адам бір қолмен амандасқан ауылдасының жақ сүйегін сындырды

Фото: GettyImages

ERNUR.KZ. Батыс Қазақстан облысында ер адам ауылдасының екі қолмен емес, бір қолмен амандасқаны үшін оның жақ сүйегін сындырып тастады, деп жазады stan.kz.

@Halyqstan арнасының мәліметіне сенсек, оқиға Тасқала ауылында болған. Іс материалдарында сотталушы азық-түлікке бара жатқан көршісін жолда кездестірген. Ол екі қолын созып амандасқан, алайда көршісі тек бір қолын ұсынған.

Сотталушы мұны өзіне деген құрметсіздік ретінде қабылдап, ашуға беріліп, бір соққымен ауылдасының жақ сүйегін сындырған.

"Сот айыпталушыны бұзақылық ниетпен орташа дәрежедегі дене жарақатын қасақана келтірді деп танып, бір жыл алты ай шартты түрде бас бостандығынан айыру жазасын тағайындады", – делінген сот шешімінде.

Сонымен қатар алдағы бір айда ашушаң ауыл тұрғыны жәбірленушіге материалдық және моральдық шығын ретінде өтемақы төлеуге тиіс.