БҚО-да ұшқышсыз ұшатын аппараттың бөлшектері табылды

0
500

Батыс Қазақстан облысында Ресеймен шектесетін Жәнібек ауданында ұшқышсыз ұшатын құрылғының сынықтары табылғаны жөнінде дерек тіркелді.


БҚО-да ұшқышсыз ұшатын аппараттың бөлшектері табылды
Фото: polisia.kz
ERNUR.KZ. Жәнібек ауданы әкімдігінен мәлім еткеніндей, оқиға 24 наурыз күні Ұзынкөл ауылдық округі аумағында болды, деп жазады kaz.inform.kz.

Ауыл тұрғыны елді мекеннен шамамен 8 шақырым қашықтықта белгісіз ұшқышсыз ұшатын құрылғы бөлшектерінің табылғаны жөнінде хабарлаған.

“ Аталған оқиға бойынша тергеу тобы барып, қарау кезінде ұшқышсыз ұшатын құрылғының бөлшектері табылды. Қазіргі уақытта оқиға орны қоршауға алынып, тергеу амалдары жүргізілуде ”, - деп хабарлады ведомстводан.
БҚО полиция департаментінің баспасөз қызметі уәкілетті қызметтермен бірлесіп, тексеру жұмыстарының жүргізіліп жатқанын жеткізді. Нысан елді мекеннен алыс жерден табылған.

Оқиғаның барлық мән-жайы анықталу үстінде.

Бұл – Батыс Қазақстан облысында болған үшінші оқиға. Бұдан бұрын 18 ақпанда Бөкей ордасы ауданы Ұялы ауылы маңында ұшқышсыз ұшатын аппаратқа ұқсас құрылғы құлаған еді. Осындай жағдай 18 наурызда Тасқала ауданында қайталанды.