БҚО-дағы аудан әкімдігінде төбелескен ер адам 10 күннен бері жансақтауда жатыр

27.03.2025 10:56

209

Еске салайық, оқиға 15 наурызда болған.

Ашық дереккөзден

ERNUR.KZ. БҚО-дағы аудан әкімдігінде төбелескен ер адам 10 күннен бері ауруханының жансақтау бөлімінде жатыр, деп жазады ulysmedia.kz.

“Мой город” мәліметінше, төбелес кезінде қатты жарақат алған ер адам 15 наурызда ауруханаға түскен болатын. Дәрігерлер оның жағдайы әлі ауыр деп бағалап отыр.

БҚО мемлекеттік қызмет істері бойынша департаментінің өкілдері әкімдік ғимаратында төбелес шығарғандер мемлекеттік қызметкер емес екенін айтты.

Еске салайық, оқиға 15 наурызда болған. БҚО-дағы Сырым ауданының әкімдігінде төбелес болды. Полиция мәліметінше, қазіргі уақытта тергеу жүріп жатыр. Бір ер адам ауруханаға жатқызылып, тағы біреуі ұсталды.

Полиция мәліметінше, 44 жастағы ер адам ауыр жарақат алып, ауруханаға жеткізілген. Күдікті ұсталып, уақытша ұстау изоляторына қамауға алынған.