Руслан Дәленов әлеуметтік желідегі парақшасына төлқұжат суретін жүктеді.
ERNUR.KZ. Бұрынғы ұлттық экономика министрі Руслан Дәленов вакцинация төлқұжатынан қате тапты, деп жазады Tengrinews.kz.
Руслан Дәленов Twitter-дегі парақшасына төлқұжат суретін жүктеді. Онда коронавирус сөзі "о" әрпімен "короновирус" деп жазылған.
"Осындай төлқұжат. Шетелдік достарымызға осыны көрсетеміз", - деп жазған ол.
Айта кетейік, бұрынғы ұлттық экономика министрі Руслан Дәленов қазір Еуразиялық даму банкі басқарма төрағасының орынбасары.
Вакцинацияның электрон төлқұжаты дегеніміз - вакцинаның медициналық тарихы. Бұл вакцина қабылдайтын халықты бақылау және мониторинг жүргізу үшін денсаулық сақтау саласындағы негізгі модуль (функционалдылық). Паспорттың жұмыс қабілеті медицина қызметкерлері үшін Денсаулық сақтау министрлігінің ақпараттық ресурстары арқылы, ал пациенттер үшін - eGov Mobile мобильдік қосымшасын пайдалану арқылы іске асады.
