ДДСҰ Қазақстан мектептерінде тамақтану стандартын енгізуге оң баға берді

Ол қыркүйек айының басында күшіне енген Қазақстан мектептеріндегі тамақтанудың жаңа стандарты дұрыс енгізілген жағдайда дұрыс тамақтану дағдыларын қалыптастыруға, балаларды аса өңделген тағамдардан және құрамында тұз, қант және май мөлшері жоғары тағамдардан арылтуға мүмкіндік беретінін атап өтті.

Оның айтуынша, Қазақстанның Денсаулық сақтау министрлігі әлемдік сарапшылармен, ұлттық серіктестермен бірлесіп, орасан зор жұмыс жүргізді. ДДСҰ ұлттық стандарттың жариялануын жоғары бағалайды.

«Дегенмен, кез келген саясатты іске асыру өте қиын міндет екенін атап өткім келеді. Бағдарламаны тиімді орындау үшін тек реттеуші құжаттар ғана емес, сонымен қатар қолдау ортасы да қажет. Осы мүмкіндікті пайдалана отырып, біз бұқаралық ақпарат құралдарына, қоғамдық ұйымдарға жүгінгіміз келеді. Қоғам мектептерде дұрыс тамақтанудың пайдасы туралы неғұрлым көп айтса және нақты мысалдар келтірілсе, мұндай өзгерістер соғұрлым тез қалыпты жағдайға айналады. Біз журналистер мен қоғамдық пікір көшбасшыларын балаларға сапалы тамақтануды қолдау қоғамдық денсаулық сақтау саласындағы жалпы басымдыққа айналуы үшін тақырыпты ашық түрде жариялауға шақырамыз. Қорытындылай келе, мектептегі тамақтану бағдарламасы ол тек тамақ қана емес екенін айтқым келеді. Бұл – денсаулықты жақсартудың, академиялық көрсеткіштерді арттырудың, жергілікті экономиканы нығайтудың және тұрақты болашақ құрудың қуатты құралы», – деді спикер.