Мәжіліс депутаты Абзал Құспан бір сұхбатында тоқал алуды заңдастыруды ұсынған болатын.
Midjourney көмегімен жасалған кескін
ERNUR.KZ.Сенат депутаты Жанна Асанова Қазақстанда тоқал алуды заңдастыруға қатысты пікір білдірді, деп жазады tengrinews.kz.
Сенат кулуарында журналистер парламентариден төменгі палата депутатының ұсынысына қалай қарайтынын сұрады.
"Менің айтарым, Конституцияда неке институты бекітілген, онда бәрі анық жазылған. Қалғаны – жекелеген пікірлер. Мен некедегі зайырлы қарым-қатынасты қолдаймын", - деді Асанова.
Еске салайық, Мәжіліс депутаты Абзал Құспан бір сұхбатында тоқал алуды заңдастыруды ұсынған болатын. Ол бұл жайтты заң тұрғысынан реттеу керек деген пікірде.
"Бірақ мен қарсы болды екен деп, сіз қарсы болды екен деп, заңда тыйым бар екен деп тоқтап жатқан адам жоқ. Сондықтан мұны (тоқалдықты - еск.) заңдастыру керек деп есептеймін. Заңмен реттеу қажет. Әуелі қоғамның талқысына салу керек", - деді депутат.
![](/assets/thumbnails/b4/b4e34907b1637d43723ef3d684c11f52.jpg ""Балама бес секундымды қимадым": жас ана баласына көбірек көңіл бөлмегеніне өкінеді")
![](/assets/thumbnails/80/8060544f5362d8e7447d8e9b392bdba1.jpg ""Мен "келін" емес, "қонақ" едім": бойжеткен жігітінің отбасымен танысқан күні шай құйғызғанын айтты")
